Qeveria greke do të rrisë pagën minimale muajin e ardhshëm, në rritjen e tretë në më shumë se një vit, sipas deklaratës së kryeministrit të vendit Mitsotakis vetëm pak muaj pas përfundimit të mandatit të tij në krye të qeverisë.
Qeveria konservative e Mitsotakis, mandati katërvjecar i së cilës përfundon në muajin korrik, rriti pagën minimale bruto mujore dy herë vitin e kaluar në 713 euro, pasi të ardhurat e familjeve u goditën nga inflacioni i lartë i vazhdueshëm.
Ekzekutivi aktualisht planifikon të rrisë pagën minimale me 9.4% në 780 euro në muaj nga 1 prilli, sipas deklaratës së Mitsotakis pas një takimi me Ministrin e Punës dhe Çështjeve Sociale. Kreu i ekzekutivit shtoi se të gjithë janë të vetëdijshëm se pagat në vend janë ende të ulëta, ndërsa inflacioni i importuar po ushtron presion shtesë mbi ‘to. Ai theksoi se as kjo rritje e re nuk do ta zgjidhë problemin, por do të ofrojë një lehtësim shumë të rëndësishëm. Sipas tij rritja ishte maksimumi që qeveria mund të ofronte brenda kapaciteteve financiare të vendit. Nga rritja më e fundit do të përfitojnë rreth 600 mijë punëtorë.
Që nga viti 2020, Greqia ka shpenzuar më shumë se 40 miliardë euro në subvencione dhe ndihmë financiare për familjet dhe bizneset që luftuan për të përballuar pandeminë Covid-19 dhe rritjen e kostove të energjisë pas luftës në Ukrainë.
Këtë vit, ajo prezantoi gjithashtu një rritje prej 8% për pensionistët, e para që nga viti 2010, kur shpërtheu kriza e borxhit dhjetëvjeçar duke e detyruar vendin të zvogëlojë pensionet deri në vitin 2018.
Qeveria po planifikonte të organizonte zgjedhje në fillim të prillit. Por aksidenti hekurudhor që shkaktoi 57 viktima duke shkaktuar zemërim publik dhe protesta masive për masat e mangëta të sigurisë në hekurudhën greke, i ka shtyrë planet e qeverisë.
Kryeministri konservator nuk ka shpallur ende një datë për zgjedhjet. Sondazhet e fundit tregojnë se epërsia e partisë së tij Demokracia e Re ndaj opozitës kryesore, partisë së majtë SYRIZA, është zvogëluar pas tragjedisë hekurudhore.