Ministri i Jashtëm i Greqisë Jorgos Katrougkalos komentoi ndryshimet e fundit në qeverinë Rama. Ai tha se zhvillimet kanë lënë pas marrëveshjen me Shqipërinë, e cila kishte arritur në nivele të kënaqshme gati për zgjidhje.
“Por, aty ku prisnim të kishim konkludimin e këtij progresi të mirë, në festën e 28 tetorit, që përveç përvjetorit festiv kombëtar do të nderonim edhe të rënët në luftën italo-greke në Shqipëri, që për herë të parë gjetën paqe pasi u varrosën me nderime pas 70 vitesh, ndodhi ngjarja e trishtuar me Katsifën.
E prej atëherë, për arsye që kryesisht kanë të bëjnë me politikën e brendshme të vendi fqinj, sipas vlerësimit tim, kemi pasur një ftohje të klimës, por që mendoj se është plotësisht e riparueshme”.
Përpjekja jonë është pikërisht të risjellim nivelin e diskutimit, aty ku ishte, dhe të shkojmë drejt zgjidhjes përfundimtare të çështjeve”, tha Katrougkalos.
Ai theksoi se Athina është në favor të perspektivës europiane të të gjitha vendeve të Ballkanit Perëndimor, por me parakushtin që të respektojnë sistemin e ligjeve dhe rregullave të BE-së.