Autoriteti i Aviacionit Civil ka njoftuar se anulohen dy fluturime të parashikuara për në datën 14 janar, Tiranë-Romë dhe anasjelltas.
Shkak për këtë është bërë greva në Itali e kontrollorëve të trafikut ajror.
Autoriteti i Aviacionit Civil njofton të gjithë pasagjerët që do të udhëtojnë drejt Italisë se për shkak të një greve të lajmëruar të kontrollorëve të trafikut ajror në datë 14/01/2020, ora 13:00 me 17:00, do të anullohen fluturimet e Alitalias si më poshtë:
AZ 584 ROME-TIRANE 13:30
AZ 583 TIRANE-ROME 15:45
Të gjithë pasagjerët që do të fluturojnë drejt Italisë atë ditë, para nisjes në aeroport, këshillohen të informohen pranë kompanisë për statusin e fluturimit të tyre.