Deputetja e PD Grida Duma tha në emisionin “Opinion” se grupi parlamentar i PD dhe shumica e strukturave të saj kërkojnë që partia të hyjë në një proçes zgjedhor me dorëheqjen e Bashës. Ajo u shpreh se është e rëndësishme të ringjallet lidhja e partisë me demokratët.
Fevziu: Cila është gjendja brenda partisë zyrtare? Sa vetë besojnë tek Basha, sa vetë e kontestojnë atë? Duket si një kontroll uzurpues më shumë se sa një kontroll që vjen nga besimi…
Duma: Komisioni i sotëm i grupit parlamentar, i shumicës së kryetarëve që vijnë nga zgjedhja me votë dhe shumicës së strukturave është, që e vetmja zgjidhje është që partia të hyjë në një proçes zgjedhor me dorëheqjen e Bashës.
Fevziu: Partia që ka mbetur, apo largimi i Bashës do i hapë rrugë kohëzionit të këtyre dy forcave?
Duma: Është e nevojshme të kemi një përfaqësim racional të gjithë njerëzve që janë të lidhur me PD-në në të gjitha aspektet. Çështja është tek lidhja me demokratët që duhet ta ringjallim.