Deklarata e deputetit të Partisë Demokratike, Ferdinand Xhaferaj, “çupëlina” për ministret solli sot një debat të gjatë në Kuvend, ndërsa demokrati kërkoi ndjesë në fund, pasi e akuzuan për seksizëm.
Nënkryetarja e PD, Grida Duma e cilësoi si qesharake akuzën për seksizëm ndaj deputetit, duke përshkruar Xhaferajn si më xhentëlmenin në Kuvend.
Duma kujton se pas tij, Berisha tha “ndalojeni eksitimin e ministreve”, duke e cilësuar si skandaloze këtë deklaratë, por askush nuk reagoi.
“Në atë sekondë, Berisha më mbrapa tha ndalojeni eksitimin e këtyre ministreve këtu dhe nuk reagoi askush.
Do të më kishte pëlqyer që të kishin të njëjtin reagim, të kishin të njëjta këllqe. Me një njeri që nuk guxojnë të reagojnë sillen pikërisht si çupëlina”, tha Duma.