Monette Dias, 52 vjeçe nga SHBA shprehet se është martuar 12 herë, dhe se ndarja me bashkëshortin e fundit e ka rënduar psikologjikisht.
52-vjeçarja, e cila është një stiliste e të brendshmeve, u shfaq në “TLC Addicted to Marriage”, ku shpresonte se do të gjente burrin e saj të ëndrrave, por jo, pasi edhe martesa e 12 përfundoi me një fund jo të mirë.
“Është vërtet e dhimbshme për mua që të kem një tjetër dështim, veçanërisht në këtë marrëdhënie që u përpoqa kaq shumë”, rrëfeu ajo.
Motra e Dias ndihet e shqetësuar për të, pasi ka frikë që Monette mund të mos e gjejë bashkëshortin ideal.