Në prag të një takimi të ministrave të Jashtëm të bllokut në Luksemburg, shefi i politikës së jashtme të Bashkimit Europian, Josef Borrell, thotë se bllokada nga ana e Rusisë ndaj miliona tonëve grurë nga Ukraina është një krim i vërtetë lufte.
Po ashtu Borrell i bëri thirrje Moskës që të zhbllokojë menjëherë portet ukrainase, për të shmangur pasoja dramatike për botën.
“Është e paimagjinueshme që miliona tonë grurë të mbeten të bllokuara në Ukrainë, ndërsa në pjesë të tjera të botës njerëzit po vuajnë urinë. Ky është një krim i vërtetë lufte dhe nuk mund të imagjinojmë që do të zgjasë më shumë”, tha Borrell.