Gjermania është e tronditur nga tentativa për një grusht shteti. ”Mbreti i ri” që nuk erdhi kurrë në fron, nga kështjella Schloss Lobenstein, të cilën kryesisht e kishte përdorur për gjueti, princi Heinrich XIII dhe grupi i tij që planifikonin grusht shteti, kishin nisur shpërndarjen e pasaportave të reja.
“Të gjithë banorët e Bad Lobenstein morën një letër këtë verë, në të cilën na thuhej se nuk jemi gjermanë pasi pasaportat tona nuk ishin gjermane. Më pas na njoftohej se na është dhënë mundësia që të aplikojmë për dokumentet e origjinës sonë gjermane në administratën Reuss (familja e Princit Heinrich XIII). Kjo sigurisht nxiti polemika të mëdha mes popullatë”, deklaroi Andree Burkhardt, zëvendëskryebashkiaku i Bad Lobenstein.
Autoritetet gjermane zbuluan dhe shkatërruan komplotin më të madh dhe të rrezikshëm ndaj demokracisë në vend. 3 mijë policë u angazhuan në operacionin që përgatitej prej një viti. 25 persona u arrestuan, kryesisht gjermanë, por edhe një shtetas rus, ndërsa mes tyre ishte dhe “mbreti” Heinrich XIII dhe një prokuror federal.