Një operacion anti-drogë është zhvilluar mes Guardia di Finanza dhe Policisë së Vlorës. Mësohet se janë sekuestruar 992 kg marijuanë, ndërsa në pranga kanë rënë 3 persona.
Kjo sasi u kap në ujërat italiane në një mjet lundrues, pas transportit me 3 skafe thellësi të detit nga 3 shtetas shqiptarë, tashmë të arrestuar, ndërsa një tjetër shtetas është shpallur në kërkim. Gjatë finalizimit të këtij operacioni, janë arrestuar edhe dy shtetas ukrainas.
Tre skafistët e kanë shkëmbyer sasinë e kanabisit në det. Ata kanë lëvizur me dy skafe të vegjël dhe e kanë ngarkuar në një velierë, e cila po i priste në det. Ata kishin si destinacion Greqinë, por në momentin e shkëmbimit ka ndërhyrë Guardia di Finanza dhe Policia e Vlorës, të cilët kanë bërë të mundur arrestimin e tre skafistëve.