Ish –deputetja e LSI Klajda Gjosha është bërë nënë për herë të dytë dhe ka sjellë në jetë një vajzë, lajmin e ka bërë të ditur shoqja e saj Nora Malaj në një postim në Facebook.
“Një urim për ty e mira Klajda!
Muaji Gusht nisi mbare! Uroj që pēr ju të gjithë të jetë i tillë! Mikja ime e mirë , Klajda , sot u bë nënë për herë të dytë. Po kësaj here, ndryshe nga hera e parë, solli në jetë një vogëlushe të bukur, të cilës i uroj që jeta ta mirëpres e ta dojë, t’i ofroj pafund dashurinë e përkujdesin e prindërve , mami Klajdes e babi Ardianit, vemendjen dhe dashurinë e vëllait Luis, që po e priste me shumë gëzim dhe kuriozitet, dashurinë e nënave dhe të gjysherve, mirësinë e tezes dhe të xhaxhallarëve. Qofsh e lumtur vogëlushja ime! Nuk ka bekim më të madh sesa mëmësia. Sot, Klajdës iu kompletua familja. Dashuria e prindërve për fëmijët dhe respekti i fëmijëve për prindërit kur rriten janë kapitali më i cmuar për njerëzimin.
Jam e bindur se tashmë Klajda po përjeton momentet më të forta të memesisë, atë të pasjes së foshnjes pranë, armonën e dlirë të qumshtit dhe pastërtisë që e kanë privilegj vetëm bebet dhe e ndjej që së bashku me qumshtin e gjirit do t’i trasmetoj dhe dashurinë për kete botë që tashmë për të është e panjohur, po që do ta shoqëroroj tërë jetë! Le ta mirëpresim këtë bekim hyjnor me urimin më të mirë: Qofsh e lumtur vogëlushe, u rritsh plot dashuri, qofsh e rrethuar nga mirësia dhe gëzofsh të gjitha ciklet e jetës me prindërit pranë dhe me emblesi e mirësi rrethuar! Paç jetë të gjatë , të begatë dhe të lumtur! Mirë se erdhe midis nesh! Ardhsh me kembë të mbarë e begati!
Sot ishte një ditë lumturie, se ti na gëzove me ardhjen tënde dhe Mami Klajda e kalojë edhe këtë sprovë të vështirë! Paçi vetëm gëzim e lumturi!”, e uron Nora.
Ish-deputetja ka dhe një djalë dhe ne e kujtojmë atë gjatë protestave të opozitës kur ajo ishte shtatzënë.