Eurokomisioneri për zgjerimin Johannes Hahn është takuar në Vienë me kryeministrin e Maqedonisë së Veriut, Zoran Zaev në eventin e Bisedimeve Ekonomike të Vienës.
Për eurokomisionerin Hahn Maqedonia e Veriut është zotuar të ndjekë rrugën e saj euroatlantike, si një objektiv strategjik kombëtar, teksa flet për çelje negociatash muajin e ardhshëm.
Lexo edhe- Hahn flet për hapjen e negociatave me Maqedoninë e Veriut, por “harron” Shqipërinë
“Maqedonia e Veriut është e zotuar të ndjekë rrugën e saj euroatlantike si objektiv strategjik kombëtar. Vendi është i angazhuar në procesin e pranimit në NATO dhe në qershor Këshilli Europian përcaktoi rrugën e çeljes së negociatave në qershor të 2019. Maqedonia Veriut realizoi të gjitha reformat e kërkuara dhe shumë më tepër: qasje gjithëpërfshirëse dhe transformim shoqëror, zgjedhje presidenciale të lira dhe të drejta. Unë jam i bindur se Maqedonia e Veriut do të marrë dritën jeshile të BE pasa kësaj vere”, shkruan Hahn në Twitter.
Ndërsa mbetet ende skeptik për rrugën e Shqipërisë, ku kujtojmë se në një intervistë të pak ditëve më parë eurokomisioneri për zgjerimin tha se imazhi aktual i Shqipërisë e vështirëson shumë një vendim pozitiv pro negociatave.
Lexo edhe- Imazhi aktual i Shqipërisë e vështirëson shumë një vendim pozitiv pro negociatave