Duke iu referuar situatës më të fundit të rendit në vend, deputetja e opozitës së re, Rudina Hajdari ka kërkuar të dijë se kush e ka fajin për gjithë sa po ndodh.
“Kush e ka fajin sot që një prokurori i bëhet atentat me kallashnikov? Kush e ka fakin sot që një gjyqtare vritet me armë nga burri i vet? Kush e ka fajin sot që krimet në familje janë shtuar si kurrë më parë”, ka thënë ajo.
Sipas saj, asnjë proces gjyqësor nuk ka pasur ndaj personave që janë përjashtuar nga sistemi i drejtësisë përmes vetingut.
PJESË NGA FJALA:
“Zoti kryeministër, dil njëherë dhe mbaj përgjegjësi për një nga këto pika. Sot nuk ke të blesh dhe shesësh më, ke vetëm veten tënde nuk ke asnjë alibi që të mbrojë. Sot je vetëm lakuriq para shqiptarëve pa asnjë shpresë dhe pa shënuar asnjë arritje në 6 vitet e fundit, ke kabinetin më të dobët me performancë të dobët që nuk ka bërë asgjë. Ke një vend të varfër, ku 30 % e popullsisë nuk shtyjne dot muajin, kurse shtresa më e vyer e shoqërisë që po largohet”- tha ajo.
Në fund, ka dalë me thirrje për shqiptaret dhe të rinjtë. “Ca presim ne, një shprehje e madhe thotë asnjë nuk është aq i pasur që të blejë ta kaluarën. Ka vetëm një zgjidhje. Shqiptarët, të rinjtë e studentët duhet të luftojnë për ndryshimin e sistemit, se nesër vota e tyre do përfundojë në koshin e atyre që nuk mbajnë asnjë përgjegjësi. Unë jam kundër këtij sistemi, poshtë ky sistem që po vret demokracinë në vend”- tha ajo.