Deputetja e Partisë Demokratike, Rudina Hajdari vijon të sfidojë kreun e PD-së, Lulzim Basha. Edhe njëherë ajo tregon se ka marrëdhënie të ngushta, por edhe mbështetje nga SHBA.
Ditën e sotme ajo ka postuar në rrjetet sociale, foto nga aktiviteti i mbledhjes së fondeve për fushatën e radhës së Presidentit Amerikan, Donald Trump, në Hamptons, ku ajo ishte e ftuar. “Ndihem e nderuar që isha e ftuar në aktivitetin e mbledhjes së fondeve për fushatën e rradhës së Presidentit Amerikan, Donald Trump, në Hamptons. Në këtë aktivitet morën pjesë personalitete të shquara amerikanë, si Bill O’Reilly dhe Geraldo Rivera, Senatori Lindsey Graham, Kongresmeni Lee Zeldin dhe djali i Presidentit, Donald Trump Jr. 🇦🇱🇺🇸”, shkruan ajo në rrjetet sociale.
