TIRANË- Ministri i Jashtëm Igli Hasani ka deklaruar se prioriteti i politikës së jashtme shqiptare është Kosova. Duke folur para mediave, Hasani është shprehur se për hapjen e urës së Ibrit se Kosova duhet që ta diskutojë këtë vendim së bashku me vendet partnere.
“Kemi qenë të qartë në atë që kemi thënë. Për ne prioriteti i politikës së jashtme është Kosova dhe gjithmonë u kemi thënë motrave dhe vëllezërve në Prishtinë që hapat që merren duhen diskutuar me ata që i duan shumë dhe i kanë përzemër. Para se të ndërmerren hapat, duhet të diskutohet dhe të dilet në konkluzione me vendet dhe organizatat që e kanë bërë Kosovën të lirë dhe të pavarur. Këtu hyn dhe Shqipëria,” deklaroi Hasani.