Mëngjesin e kësaj të marte, kreu i Aleancës për Ardhmërinë e Kosovës, Ramush Haradinaj braktisi takimin që kryeministri Albin Kurti po zhvillon me partitë opozitare.
“Edhe pse isha pjesë e takimit me kryeministrin Kurti, u detyrova ta lëshoj takimin sepse Kurti mbante ligjërata e nuk na sqaronte se përse ka prishur raportet me Amerikën dhe përse nuk po kthehej që të realizojë kërkesën e tyre. Për mua është e papranueshme që në raste kaq të ndjeshme, të prishim raportet me aleatin kryesor të sigurisë”,-tha Haradinaj pas braktisjes së takimit.
Një ditë më parë AAK konfirmoi se ka pranuar ftesën e kreut të opozitës, dhe se ky takim do të mbahej sot në ora 8:00 të mëngjesit të ditës së sotme.