Analisti Baton Haxhiu është shprehur se arsyeja pse kryebashkiaku Erion Veliaj nuk hyn në një debat televiziv me kundërshtarin e tij politik, Belind Këlliçin është se sipas tij, “Veliajt i duket lëkura e Këlliçit shumë e vogël për t’u ballafaqur”.
I ftuar në emisionin “Opinion”, Haxhiu thotë se kultura e komunikimit në studio që i drejtohet qytetarëve është elementare për një njeri që do ta udhëheqë qytetin.
Baton Haxhiu: Kultura e komunikimit në studio që i drejtohet qytetarëve është elementare për një njeri që do ta udhëheqë qytetin edhe për faktin që Erion Veliaj në këtë moment nuk do që të ballafaqohet me Këlliçin për arsye se i duket lëkura e Këlliçit shumë e vogël për t’u ballafaqur. Nuk është problem se sa i vogël është njeriu, por se sa ti e respekton qytetarin që të ballafaqohesh me tjetrin. Por këto janë vendime që gati për një kohë… Ky debat dhe pastaj ai i Nanos dhe Berishës mbeten ekzemplarët e vetëm demokratikë të një gare politike.