Qindra nxënës janë helmuar qëllimisht në të paktën 16 shkolla në Iran dhe u dërguan me urgjencë në spital.
Drejtori i Përgjithshëm i Çështjeve të Sigurisë dhe Zbatimit të Ligjit njoftoi se rreth 400 studentë janë dërguar me urgjencë në spital dhe janë nën mbikëqyrjen e mjekëve.
Autoritetet njoftuan se për të dytën herë janë helmuar nxënëset e shkollave të mesme në Teheran dhjetëra vajza. Ato u vunë në qendër të sulmitme gaz kimik, I cili I shkaktoi probleme shëndetësore.
Familjarët e studenteve kanë protestuar jashtë shkollave në Ardabil dhe para spitalit në Divandarreh duke thirrur parulla kundër regjimit. Në rrethana të tilla dhe në muajin e pestë të këtyre situatave, kjo nuk është hera e parë që vajzat përballen me situata helmimi në Iran.
DIsa javë më parë 110 persona u arrestuan në Iran për helmimet e nxënëseve në të gjithë vendin, që besohet se ka qenë një përpjekje për t’i ndaluar ato të ndjekin shkollën.
Megjithatë, që nga fillimi i marsit, ka pasur një rritje dramatike të rasteve, me raporte që kanë ardhur nga 23 nga 31 provincat e vendit, duke prekur qindra shkolla në të gjithë Republikën Islamike.
Është ende mister se kush po i kryen incidentet, pse po e bëjnë atë apo edhe nëse ato janë në të vërtetë një seri sulmesh që lidhen me të mëparshmet.
Në Afganistanin fqinj, ekstremistët fetarë kanë vënë në shënjestër shkollat për të parandaluar vajzat të frekuentojnë vitet e fundit.