Antilian Koxhaj, kandidat për deputet i partisë Syriza në zonën e Pireut, në një lidhje direkte me mediat në vendin tonë, u shpreh se ka nisur karrierën politike për të luftuar racizmin.
“Kam ardhur në Greqi në vitin 2000, kur isha shumë i vogël. Në politikë u angazhova me të rinjtë e Syriza. Kam 10 vite në politikë, kam hyrë me qëllim për të luftuar racizmin dhe përjashtimin social”, deklaroi 31-vjeçari.
“Dua që të gjithë të kenë shanse të barabarta. Emigrantët kanë 30 vite në Greqi dhe kanë qenë korrektë me detyrimet ndaj shtetit. Janë pjesë vitale e shoqërisë greke dhe duhet të kenë zë publik”, shtoi Koxhaj.