Në Turqinë e gjunjëzuar nga tërmetet shkatërruese, kanë nisur hetimet. Mësohet se janë lëshuar 113 urdhër arreste nga policia për ndërtuesit e pallateve të shembura pas tërmetit të 6 shkurtit, nën akuzën se nuk kanë zbatuar standartet e duhura të ndërtimit.
Kryetari i shoqatës ‘Vatra’ në Stamboll, Bora Zukali, në një lidhje skype për Report TV tha se në Turqi kishte rreth 453 mijë kontraktorë dhe shumica prej tyre nuk e kanë përfunduar universitetin.
Po ashtu ai shtoi mes të tjerash, se pallatet e ndërtuara pas tërmetit të vitit 1999, pavarësisht çmimit të lartë të tyre dhe luksit, janë shembur për shkak se nuk ishin zbatuar standartet minimale të ndërtimit.