Qeveria e Lituanisë ka bërë me dije se do t’u paraqesë një kërkesë prokurorëve në Gjykatën Penale Ndërkombëtare që të hetojnë “krimet e luftës dhe krimet kundër njerëzimit në Ukrainë”.
Sipas asaj që deklaron kryeministrja lituaneze, një sërë materialesh të reja janë mbledhur dhe janë bërë gati për të paraqitur kërkesën.
“Ka materiale të reja që vijnë çdo ditë, por ne kemi mjaft prej tyre deri tani për të paraqitur kërkesën,” deklaroi në një prononcim për mediat kryeministrja lituaneze, Ingrida Simonyte.