Një histori suksesi vjen mëngjesin e kësaj të mërkure, nga Spitali Universitar i Traumës. Sipas Ministrisë së Shëndetësisë, në këtë spital është trajtuar me sukses një frakturë e qafës së femurit tek një pacient 13-vjeçar.
Ndërhyrja kirurgjikale u realizua me teknikë mini-invazive, duke përdorur aparaturën moderne C-ARM për kontroll të vazhdueshëm gjatë operacionit.
“Mirëmëngjes nga Spitali Universitar i Traumës, ku u trajtua me sukses një frakturë e qafës së femurit tek një pacient 13-vjeçar.
Ndërhyrja u krye me teknikë mini-invazive, nën kontroll të vazhdueshëm të aparaturës C-ARM dhe falë profesionalizmit të mjekëve tanë dhe teknikave bashkëkohore kirurgjikale në trajtimin e patologjive tek fëmijët, u sigurua stabiliteti i menjëhershëm kockor dhe rezultati i duhur për pacientin.”, thuhet në njoftimin e ministrisë, e cila vlerëson punën e stafit mjekësor dhe thekson rëndësinë e përdorimit të teknologjive moderne në trajtimin e emergjencave ortopedike pediatrike, që kontribuojnë në përmirësimin e kujdesit dhe sigurisë për pacientët e vegjël.