Pasi humbi punën gjatë bllokimit, 29-vjeçari u përpoq të mblidhte para duke vjedhur skrap. Por ai pagoi çmimin përfundimtar dhe tani ka lëndime që i kanë ndryshuar jetën. Darren Harris, nga Mançesteri, humbi punën e tij gjatë pandemisë COVID 19. Ai e gjeti veten në vështirësi financiare.Jetesa në shtëpinë e nënës së tij dhe pamundësia për të punuar “pati një ndikim të madh”, dhe ai filloi të huazonte para nga miqtë dhe familja. Më pas ai filloi të vidhte hekurishte nga ndërtesat e vjetra të braktisura.
Por një natë e vitit 2020 i tjetërsoi atij jetën. Teksa po mblidhte mbetje nga fabrika e braktisur e çelikut në Wolverhampton ai pat kontakt me një rrjet elektrik. Në momentin kur ai zgjati dorën dhe kapi një shufër bakri u godit nga rryma prej 11,000 volt. Harris tregon për SKY se pas kontaktit me rrymën ai u përplas disa herë nëpër muret e dhomës në të cilën gjendej.
“Bërtita për mikun tim Darren dhe kaq, nuk mbaj mend asgjë… zemra më ndaloi”, tha ai.
Mrekullisht pas gjith asaj që ndodhi Harris arriti të dilte dhe vrapoi për të kërkuar ndihmë. Në momentin që shikon një ambulancë kërkoi ndihmë dhe me urgjencë u dërgua në spitalin e Mbretëreshës Elizabeth në Birmingham.
Më pas ai kaloi 27 ditë në koma para se të zgjohej nga tmerri i asaj që kishte ndodhur. Disa javë më vonë, zoti Harris u diagnostikua me një sëmundje të quajtur folikulit, e cila shkaktoi më shumë rënie të flokëve. Mjekët e kanë përshkruar rastin e zotit Harris si një mrekulli mjekësore dhe thonë se aikishte shumë pak shance që të ishte gjallë. Ai ende po përshtatet me tjetërsimin në pamjen e tij dhe humbjen e aftësisë së tij për të punuar.
Harris tha se ajo që e mban atë të vazhdojë është fakti që i është dhënë një “shanc i dytë për jetë”. Mesazhi i tij për këdo që lufton për të përballuar jetesën është se krimi nuk është zgjidhja. Gjithashtu ai thotë se dëshiron të jetë një frymëzim për personat të cilët janë në krizë.