Gazetarja Doriana Metollari me anë të një postimi në rrjetet e saj sociale ka shpërndarë një histori të ndodhur 20 vite më parë me protagonist Pjerin Ndreun.
Në postimin e saj, Metollari shkruan lidhur me rrëmbimin e një vajze që rrëmbehet që 17 vjeç, ndërsa Policia e drejtuar nga Pjerin Ndreu përpiqej të humbte gjurmët.
“Në vitin 1999 rrëmbehet një vajzë 17-vjeçare. Del i vëllai të mbrojë motrën dhe vritet (18 vjeç ishte). Vajza torturohet dhe mbahet skllave për katër vite me radhë. Në vitin 1999 Pjerin Ndreu ishte shef Komisariati dhe mbuloi gjurmët e ngjajes. A di gjë Arta Marku pse? Kalojnë katër vite dhe vajza arratiset. Shkon e fshihet tek një familje. Pjerin Ndreu atë kohë shef policie, shkon e merr policinë e ndërhyn, jo në ndihmë të vajzës, pse? Di gjë prokuroria pse nuk i gjeti kurrë rrëmbyesit e vajzës? Dhe di gjë prokuroria pse brenda në komisariat një oficer policie humbi jetën dhe u shit si vetëvrasje? Kush e vrau dhe pse? Cila ishte lidhja ndërmjet Pjerin Ndreut dhe rrëmbyesve të vajzës?”-shkruan Metollari.
Prej vitit 1997 e deri në vitin 1999 Pjerin Ndreu mbante postin e shefit të Komisariatit të Policisë Lezhë. Ndreu është zgjedhur deputet në Kuvendin e Shqipërisë në zgjedhjet parlamentare të vitit 2013.
