Shëndriti do të operohet javën tjetër nga kirurgu i njohur shqiptar Prof. Mentor Petrela dhe Dr. Emeka Nkenke, eminence në mjekësinë perëndimore dhe shef pavioni në kirurgjinë maksilofaciale më spitalin universitar të Vienës.
Në një video mesazh dërguar në emisionin “Shqiptarët për shqiptarët” në News24 ai thotë se është informuar për shëndetin e brishtë të Shëndritit. “Unë ju informoj se javën tjetër do të jem në Tiranë për të operuar së bashku me profesor Petrelën. Unë mendoj se së bashku si skuadër do të përpiqemi ta kthejmë këtë pacient në jetën normale”, tha mjeku austriak.
Kush është Prof. Dr. h.c. Emeka Nkenke?
Kirurgu Emeka Nkenke është një nga ekspertët më të njohur në Europë, veçanërisht Austri e Gjermani, për një gamë të gjerë ndërhyrjesh në Kirurgjinë maksilofaciale, disiplinë mjekësore dhe kirurgjike e specializuar në diagnostikimin dhe kurimin e sëmundjeve që ndodhen në gojë, në nofull dhe fytyrë. Falë profesionalizmit të tij, i janë dhënë zgjidhje një sërë problemesh shëndetësore apo estetike. Prof. Dr. h.c. Emeka Nkenke është një nga kirurgët më të njohur.
Aktualisht ai është Profesor dhe Shef i Departamentit të Kirurgjisë Maksilofaciale dhe Orale, në Universitetin e Mjekësisë në Vjen, Austri.
Në vitin 2014 ka qenë Profesor dhe Shef i Departmentit të Kirurgjisë Maksilofaciale dhe Orale në Spitalin Universitar, Halle, Gjermani.