Romina Power dhe Albano Carrisi janë emra shumë të njohur në Shqipëri, kjo jo vetëm për shkak të lidhjeve të Albanos me vendin tonë por dhe muzikës së tyre të viteve ’80- ’90.
Në janar të 1994 çifti humbi vajzën e tyre Ylenia, e cila në atë vit ishte vetëm 23 vjeç. Por Romina nuk i ka humbur shpresat për vajzën e saj, duke bërë një apel në rrjetet sociale.
“Nëntori është muaji kur lindi Ylenia. Ajo u zhduk në SHBA në janar të 1994. Ishte 23 vjeçe. Nuk do heq dorë kurrë së e kërkuari. E di që ka ndryshuar që atëherë, por nëse e njihni ndonjë person që i ngjan kësaj vajze, më kontaktoni. Faleminderit!”, shkruan Romina.
Ylenia Maria Sole Carrisi ishte fëmija i parë i çiftit Albano dhe Romina, e cila kishte lindur në 29 nëntor të 1970. Ajo u zhduk në rrethana misterioze teksa vizitonte New Orleans në SHBA. Me kërkesë të babait të saj ajo u shpall e vdekur vetëm në nëntor të 2014.
Ylenia u shfaq në ekran për herë të parë në 1983 bashkë me prindërit në filmin “Champagne in paradise”. Ajo kishte ëndërr të bëhej shkrimtare dhe studioi letërsi në King’s College London, ku ishte nxënësja më e mirë.
Gjatë studimeve ajo pati idenë të udhëtojë e vetme nëpër botë, duke bërë një pushim nga studimet.