Giorgia Meloni ka shkruar histori në zgjedhjet parlamentare të së dielës, pasi do të bëhet kryeministrja e parë femër që do të qeverisë Italinë. Pas mësimit të rezultatit ku partia e saj del fituese e zgjedhjeve, ajo teksa ka shpallur fitoren dhe ka falënderuar votuesit dhe mbështetësit e saj, ajo shkruan se “ne nuk do ta tradhtojmë besimin tuaj. Jemi gati të ringjallim Italinë”.
Postimi i plotë
Sot kemi shkruar historinë
Kjo fitore i dedikohet të gjithë militantëve, liderëve, mbështetësve dhe çdo njeriu që vitet e fundit ka kontribuar në realizimin e ëndrrës sonë, duke ofruar zemër e shpirt në mënyrë spontane dhe të painteresuar.
Për ata që me gjithë vështirësitë dhe momentet më komplekse kanë mbetur në vendin e tyre, me bindje dhe bujari. Por mbi të gjitha u dedikohet atyre që besojnë dhe kanë besuar gjithmonë tek ne.
Ne nuk do ta tradhtojmë besimin tuaj. Jemi gati të ringjallim Italinë.