Në Teatrin Kombëtar të Operas dhe Baletit u mbajtën homazhet për ndarjen nga jetë të aktores së njohur shqiptare, Margarita Xhepa. I biri i saj, aktori Ndriçim Xhepa tha se e ëma e tij e mbylli ashtu siç e donte Zoti. Ai tha se ajo deri pak kohë para se të ndërronte jetë, e kishte një dëshirë të brendshme për të bërë një film.
“Të jem i sinqertë, çfarë porosish mund të jepte. Kreu jetën e saj në mënyrë normale, pavarësisht se pati disa probleme tani javët e fundit të karakterit shëndetësor, të karakterit të pulmoneve.
Edhe lodhjet e vetë viteve bëjnë të vetën, normale. Por ajo kishte një natyrë të vetën të çuditshme që kur binte muhabeti në momente të shkëputura, e thoshte që për në skenë nuk kam mundësi më.
Them se e mbylli ashtu siç e deshte Zoti, që roli i fundit që bëri me Spartak Pecanin në Bolero në vilën e Pleqve. Mesa duhet kjo ishte edhe perdja e jetës që mbylli, si perdja e skenës”,-tha Ndriçim Xhepa.