Një ngjarje tragjike është regjistruar në Meksikë ku anëtarë të një familjeje kanë humbur jetën. Sipas BBC, të paktën 5 shtetas amerikanë, një nën dhe katër fëmijë janë vrarë në sulmin e dhunshëm që dyshohet se është bërë nga një anëtar i kartelit të drogës në Meksikës Veriore.
Viktimat mësohet se ishin anëtarë të familjes LeBaron, të lidhur me komunitetin mormon që u vendos në Meksikë disa dekada më parë.
Pamjet tragjike vijnë nga skena e krimit ku makina është djegur ndërkohë që mendohet se disa prej viktimave janë djegur të gjallë. Disa persona të tjerë nuk janë gjetur. Mediat lokale shkruajnë se sulmi mund të ketë qenë një rast i gabimit të shënjestrës.
Familja LeBaron bën të ditur se ishte një grup prej tre nënash dhe 14 fëmijësh që udhëtonin në atë ngjarje tragjike. Ata u zunë në pritë nga disa persona të armatosur në Bavispe.