Ngjarje horror ka ndodhur në Rusi, ku një prift ka vrarë brutalisht gruan e tij në sy të vajzës së tyre 8-vjeçare. 40-vjeçari Mikhail Zubarev, vrau dhe më pas i preu kokën gruas së tij, Victoria Zubareva në sy të vajzës së mitur.
Vogëlushja dhe vëllai i saj 17-vjeçar ndodhen në spital duke marrë mbështetje psikologjike pas vdekjes brutale të nënës së tyre. Anëtarët e famullisë së priftit 40-vjeçar ishin ankuar për “sjelljen e çuditshme” të tij dhe për këtë arsye ai ishte vendosur me pushime nga Kisha Ortodokse Ruse në javët e kaluara.
Zubarev fillimisht e goditi gruan e tij me thikë në qafë, më pas ia preu kokën dhe në fund, i mbuluar me gjak, “filloi të lutej” duke i kërkuar të bijës të bënte të njëjtën gjë. Vajza ka qenë ajo që ka telefonuar vëllain e saj duke i kërkuar ndihmë. Zubarev kishte mbaruar një shkollë teologjike në vitin 2010.