Ngjarje e rëndë është ajo në Patos, ku 30-vjeçari Klajdi Çobaj goditi disa herë me thikë nënën e tij Donika Çobaj. Një fqinj ka treguar minutat e tmerrit të 50-vjeçares, e cila u plagos dje me thikë nga djali i saj. Dëshmitar i kësaj ngjarje të rëndë, ai thotë se e ka parë si djali e ka qëlluar nënën me thikë dhe e ka ndjekur nga ballkoni dhe poshtë pallatit, pasi gruaja ishte hedhur për t’i shpëtuar.
“Dëgjuam zhurma. O Klajdi ça bëre, se jemi komshinj. Dola në ballkon bashkë me nipin dhe pamë atë të gjakosur që po dilte nga dera e ballkonit, në ballkon ai ishte duke e goditur. E shkreta u hodh nga kati i dytë, unë i bërtita, o Klajdi ca bën. Është djali i mirë, edhe ajo si grua shumë e mirë. U hodh nga ballkoni për ti shpëtuar
. Ai e ndoqi prapë, filloi ta qëllonte jashtë. Unë i bërtita dhe në atë kohë më dëgjoi dhe e la, e hodhi thikën. Më pas erdhi dhëndri i tij, e mori dhe e çoi në spital. Më pas erdhi policia. Kemi 30 vjet këtu, janë njerëz shume të mirë. Jemi tronditur, por një gjendje e jashtëzakonshme për atë djalë sepse është shumë djalë i mirë”, tregoi i riu, i cili ishte dëshmitar i ngjarjes.