Gazetari investigativ Artan Hoxha i ftuar në “Top Shoë” është shprehur se situata në të cilën ndodhet vendi, është një periudhë e artë për botën e krimit. Sipas Hoxhës, kriza politike ka bërë që Policia të fokusohet më shumë në protesta dhe jo në ndjekjen e personave në shkelje të ligjit.
“Është situata më e artë për botën e krimit. Policia është zënë me protestat dhe mitingjet. E dini që parcelat me kanabis janë shtuar. Që nga marsi deri më tani janë shtuar. Do ta shohim sa do të kapen. Sasi rekord. Ka patur shumë ngjarje, atentate mafioze,”-tha Hoxha.
Në vend ende vijon kriza politike. Prej shkurtit të viti të kaluar opozita ka djegur mandatet. PS zhvilloi e vetme zgjedhjet lokale duke i marrë të gjitha bashkitë. Me rinisjen e sesionit të ri parlamentar pritet të merret vendimi për shkarkimin e presidentit Ilir Meta. Ndërkohë ky i fundit vijon thirrjet për zgjedhje të tjera më 13 tetor. Nga ana tjetër Basha deklaroi se vendi duhet të futet në zgjedhjet e tetorit dhe të zhvillohen të tri palët e zgjedhjeve. Ndërkohë që pritet vendimi i BE-së për statusin kandidat të Shqipërisë.