34-vjeçari shqiptar Ilsjan Demko, i cili humbi jetën dje në një aksident në Itali, ishte inxhinier dhe punonte si drejtor prodhimi për një kompani. Ai ishte i martuar dhe kishte një djalë.
Shqiptari po udhëtonte me makinën e tij, teksa goditi nga pas një kamion, të cilin nuk e vuri re që kishte ndaluar. Drejtuesi i kamionit ndaloi për shkak të një zjarri që kishte rënë në një krah të autostradës, ku një fugon ishte përfshirë nga flakët.
Autoritetet po hetojnë edhe pistën që tymi nga zjarri të ketë penguar shikueshmërinë.