Sa herë që ndërrohen pushtetet, drejtuesit e rinj nisin pastrimin e institucioneve duke filluar që nga infrastruktura dhe dosjet e vjetra, ndërsa ata të vjetrit që presin ditën që të dorëzojnë çelësat bëjnë përzgjedhjen e fundit të materialeve që ju duhen dhe atyre që do lënë.
Një situatë e ngjashme po e përjeton edhe Kamza, ku sikurse shihni nga fotot e realizuara sot nga fotografi Agim Rama, ish-kryebashkiaku Xhelal Mziu gjithë dosjet e vjetra i ka hedhur shkujdesshëm në një dhomë.
Por ajo që bie më shumë në sy, janë edhe flamujt e PD, ndoshta të mbetur nga protestat e fundit të organizuara nga kjo forcë politike kundër mbajtjes së zgjedhjeve më 30 qershor.
Bashkë me drejtimin e Bashkisë së Kamzës, duket se Xhelal Mziu ka “harruar” tashmë dhe ngjyrat dhe flamujt që e bënë për tre mandate rresht kryebashkiak. / tirananews.al
