Dy turistë gjermanë kanë humbur orientimin pasditen e sotme teksa po eksploronin malin e Çikës.
Sipas informacioneve paraprake, turistët kishin nisur ecjen rreth orës 15:00, por gjatë itinerarit kanë dalë nga shtegu i përcaktuar dhe nuk kanë mundur të gjejnë rrugën e kthimit.
Pas marrjes së njoftimit, në zonë janë nisur menjëherë shërbimet e Policisë dhe ekipet zjarrfikëse, të cilat po punojnë për lokalizimin e tyre dhe nxjerrjen në një zonë të sigurt.
Mësohet se njëri prej turistëve është rrëzuar gjatë lëvizjes në terrenin malor dhe ka pësuar dëmtime. Ekipet e shpëtimit po vijojnë operacionin për transportimin e tij nga zona e vështirë drejt një pike ku mund të marrë ndihmën e nevojshme mjekësore.