Burreli pësoi të parën humbje sezonale. Pas një ecurie perfekte, matjanët u mundën në Peshkopi. Samuel Nikaj priste të paktën një barazim nga transferta delikate, megjithatë nuk e bën dramë. Ja çfarë ka pohuar pas ndeshjes trajneri shkodran i skuadrës matjane: “Synonim për të marrë një rezultat pozitiv në Peshkopi, por ky është futbolli. Në të vetmin rast që patën dibranët, na ndëshkuan.”
“Ne nuk i shfrytëzuam rastet që na u paraqitën, edhe pse krijuam volum loje. Gjithsesi, nuk u bë hataja që humbëm. Tani do të shohim përpara dhe të mendojmë për ndeshjen e radhës. Korabit i uroj suksese. Është një ekip që i ka dhënë tonin Kategorisë së Parë së fundmi”.
“Vendi i parë? Ka ende shumë ndeshje dhe kam besim se do të rikthehemi aty për të mos e lëshuar më deri në fund dhe të shkojmë në elitë”, pohoi Samuel Nikaj.