Në muajin shkurt, Nicki Miaj humbi babanë e saj pas një aksidenti tragjik. Babai i këngëtares u nda nga jeta në moshën 64-vjeçare, pasi u përplas për vdekje nga një automjet.
I ndjeri ishte duke ecur në rrugën pranë kryqëzimit të rrugës Roslyn dhe Raff Avenue në Mineola, N.Y., rreth orës 6:15 pasdite kur u godit nga një automjet i drejtuar nga veriu që u largua nga vendi i ngjarjes. Maraj u transportua për në spital në gjendje kritike për jetën dhe fatkeqësisht nuk arriti të mbijetonte pas aksidentit të rëndë.
Ndërkohë Nicki Minaj ka thyer heshtjen ditën e sotme dhe ka reaguar për herë të parë për këtë ngjarje tragjike. Në një letër të gjatë drejtuar fansave, Nicki flet për shumë çështje në lidhje me familjen e saj, mes tyre edhe humbjen e të atit. Ajo e cilëson ndarjen e tij nga jeta, si humbjen më të madhe të saj.
“Edhe pse nuk mund të flasë ende për ndarjen nga jeta të babait tim, mund të them se ka qenë humbja më e madhe e jetës sime. Ndonjëherë kërkoj që t’i telefonoj atij. Akoma më shumë tani që ka ikur.
Uroj që shpirti i tij të prehet në paqe. Ai ka qenë shumë i dashur për ne dhe do të na mungojë gjithmonë”, shprehet Nicki Minaj.
