Deputeti i Partisë Socialiste, Erion Braçe, ka uruar Dashnor Sulën për detyrën e re, atë të Kryeinspektorit të Përgjithshëm.
Përmes një postimi në rrjetet sociale, ku postoi një fotografi të ish-deputetit demokrat me pras në duar, Braçe e “këshilloi” Sulën që të mos përdorë gjobën si alternativë të parë kundër bizneseve.
Por ‘shqetësimi’ i ngritur nga Braçe ishte se kalimi i Sulës te Inspektoriati i Përgjithshëm, do të ishte një humbje e madhe për fshatin.
Reagimi i Braçes:
Urime Dash!
Punë të mbarë! Sinqerisht!
Dua shume ti hysh i ti dalesh ne fund sic ligji parashikon:
Gjoba nuk është alternativë e parë!
Po bëre këtë, ja ke dalë!
Ndërkohë një merak e kam;
Kush do flasë për fshatin tani? Se ti flisje gjithmonë për fshatin, veçanërisht këtë sezon. Të ndiqja dhe unë. Tani kush do flasë? Eshtë humbje e madhe për fshatin Dash! Mendoje dhe këtë!