Humoristi italian Maurizio Crozza-n ka imituar kryeministrin Edi Rama në emisionin satirik “Fratelli di Crozza – Vëllezërit e Krocës” – që transmetohet të premteve në “primetime” në Nove. Ai luan rolin e kryeministrit shqiptar – me një theks të turbullt siçilian.
“Lidhja me Italinë është “emocionale” – ironizon komiku italian.
“Dhe Shqipëria është atje… edhe nëse nuk është BE. Ne planifikojmë t’i bëjmë BE-së një propozim që nuk mund ta refuzojë”, – vijon ai.
“Shqipëria dhe Italia janë një familje e madhe, jemi po aq të sjellshëm… ju puthim duart… jemi të dy në podiumin e ekonomisë familjare. Italia e para dhe ne e dyta… Italia dhe Shqipëria: një fytyrë dhe një shkop. Një shkop i vogël… shkop, shkop. Një fytyrë… një shuk me para” – përfundon ai duke përdorur shprehjen e thënë shpesh nga kryeministri Rama “shqiptarët dhe italianët, një fytyrë, një rracë”.
Video e tij është publikuar nga gazeta kryesore italiane “Corriere della Sera” dhe disa media të tjera. Opozita italiane është shprehur kundër marrëveshjes dhe ka kritikuar si qeverinë e vendit të saj ashtu edhe kryeministrin Rama.