Prokuroria ka nisur hetim për disa ish-deputetë të Partisë Demokratike, hetimet që kanë nisur që prej protestës së 16 shkurtit. Bëhet e ditur se ish deputetët po ndiqen penalisht pasi kanë kundërshtuar me dhunë forcat e policisë.
Bëhet fjalë për Flamur Nokën, Enkelejd Alibeaj, Gent Strazimirin, Klevis Balliun, Xhemal Gjunkshin, Anton Frrokajn, të cilët nga pamjet filmike rezulton të hyjnë me dhunë në ambientet e Drejtorisë Vendore të Policisë, Tiranë dhe veprojnë në mënyrë të dhunshme ndaj efektivëve të policisë.
Në lidhje me këtë rast Prokuroria pranë Gjykatës së Shkallës së Parë, Tiranë, ka kryer hetime duke ngritur akuzë për veprën penale të Kundërshtim i punonjësit të policisë së rendit publik, kryer në përdorim të dhunës dhe në bashkëpunim, sipas nenit 236/2 te Kodit Penal.