Napoli po kalon një situatë delikate dhe shumë futbollistë kanë shprehur dëshirën për t’u larguar në merkaton e verës dhe në janar teksa një prej tyre është edhe Hysaj. Klubi napolitan kërkon të përfitojë diçka në janar duke qenë se në verë i përfundon kontrata dhe mund të largohet me parametra zero duke lënë duarbosh klubin.
Ndërkohë, në listën e Napolit është një futbollist nga PSG dhe bëhet fjalë për Leandro Paredes. Mesfushori argjentinas kërkohen nga napolitanët duke qenë se mesfushorët aktualë nuk shihen më nga De Laurentis si të pashitshëm dhe problemet e hasura në kohët e fundit dhe disiplina, ka bërë që të kërkohet shpejt për pasuesit e mundshëm.
Në këtë mes, problemi i vetëm është Hysaj. Klubit i duhet që të shesë mbrojtësin shkodran ose Leandrinjon pasi Paredes nuk ka pasaportë Europiane dhe është ekstrakomunitar çka do të thotë se mund të hapë probleme për formacionin e skuadrës.