jykata e Apelit ka urdhëruar lirimin e Isuf Berberit, i cili u akuzua për korrupsion në lidhje me tenderat së bashku me zyrtarë të AKBN. Biznesmeni ishte shpallur në kërkim dhe ndaj tij ishte dhënë masa e sigurisë “arrest në burg” në mungesë nga Gjykata e Shkallës së Parë. Gjykata e Apelit ka ngarkuar Prokurorinë e Tiranës në ekzekutimin e vendimit për lirimin e Isuf Berberit.
Berberi, biznesmeni i hidrokarbureve, u akuzua për korrupsionin me vlerë 1.5 mln dollarë me zyrtarë të AKBN.
Pas hetimeve të zhvilluara nga Seksioni për Hetimin e Korrupsionit në Drejtorinë Vendore të Policisë Tiranë, nën drejtimin e Prokurorisë pranë Gjykatës së Shkallës së Parë Tiranë, në kuadër të operacionit ‘Akciza”, u konstatua se kompania “Phoenix Petroleum” e cila është në pronësi të dy biznesmenëve Isuf Berberit dhe Naim Kasa, ka shfrytëzuar disa puse nafte duke mos kryer investimet e detyrueshme. Por, në mënyrë fictive, Berberi dhe Kasa i kanë dorëzuar AKBN-së 8 fatura të falsifikuara, me anë të të cilave, sipas tyre janë kryer punimet nga kompania amerikane Black Sëan Energy Service me vlerë 1. 299.000 USD.
Me anë të këtyre faturave, ata kanë futur në lojë dhe zyrtarët e AKBN-së. Tre punonjësit Denis Durrësi, Qani Hoxha dhe Rezarta Qose Sulejmani, Klodian Gradeci që është në kërkim (ish-drejtori i OST-së), kanë pasqyruar punimet e pakryera sit ë kryera, me anë të faturave. Ndërsa punonjësit e administratës tatimore, Arben Doda dhe Simon Marku kanë përpiluar një raport kontrolli të falsifikuar. Ky raport ka bërë që administarta të pësojë një dëm ekonomik prej 568.000 USD. Në total dëmi që kanë shkaktuar në mënyrë të drejtpërdrejtë të përfshirit në këtë skemë është 1.472.766 USD.