Angli Stafuka do të rikthehet sërish në burg. Gjykata e Lartë ka rrëzuar vendimin e Apelit që e la Stafukën të lirë kundrejt garancisë pasurore.
Stafuka dhe Erald Pajtani dyshoheshin se në bashkëpunim me njëri-tjetrin, janë autorët e vendosjes së eksplozivit në objektin në ndërtim, në pronësi të biznesmenit Liman Gjoka, në zonën e Ranës së Hedhun në Shëngjin.
Fillimisht u ndalua nga Policia Erald Pajtani dhe pas hetimeve, rreth 7 muaj pas ngjarjes, u zbulua dhe arrestua edhe bashkëpunëtori tjetër, 21- vjeçari Angli Stafuka.
Dy të rinjtë i kanë mohuar në vazhdimësi akuzat e ngritura ndaj tyre, duke deklaruar se nuk kanë lidhje me ngjarjen, por prokuroria përmes pamjeve filmime dhe qelizave telefonike, ka arritur të zbulojë implikimin e dy të rinjve në vendosjen e lëndës plasëse në objektin në ndërtim në zonën e Ranës së Hedhun në Shëngjin.