Efi është banore e ”Big Brother Albania Vip 2”, dhe ka ndarë një mesazh të rëndësishëm, bazuar në një histori të sajën. Ajo ka rrëfyer pasojat e një marrëdhënieje me ish-partnerin e saj, i cili ka ndrydhur lirinë saj për një kohë të gjatë, duke ushtruar gjithashtu dhe dhunë psikologjike, deri në atë pikë sa ajo ka tentuar për vetëvrasje.
“Kam pasur një lidhje 4-vjeçare. Ai njeri më la shumë pasoja që i kam pas deri tani shumë vonë. Unë e kam kaluar tashmë. Është diçka që më ka mbajtur goxha kohë. Ka qenë një njeri që ma ka bërë mos ta doja veten. Më thoshte ti nuk vlen, nuk bën, nuk ke vlera, nuk je e zgjuar. Ka ca momente që njeriu nuk do të jetë i fortë. E mendoja dhe besoja që nuk vleja si njeri. Nuk e kuptoja që ai njeri po më dëmtonte dhe fatkeqësisht zgjati shumë kohë. Më ka bërë si paranojake, por sot e dua shumë veten time. Ka pasur momente kur më ndalonte të dilja edhe me mamin”,-tha Efi.
Po ashtu Efi tregoi se e kishte mbështetjen e familjes, por në atë kohë ajo ishte ”e verbuar” nga dashuria dhe nuk e shikonte se sa shumë po dëmtonte.
Arbana: Efi si ndihesh tani?
Efi: Tani ndihem më e lehtë për ta treguar, prandaj shigjetën e rrita në 2023. Sot ndihem mirë që e flas , nuk e bëj për keqardhje, por sepse dua të dëgjojë çdo kush që është në këtë situatë, doja të jepja një mesazh për këdo që më dëgjon.
Arbana: Ti fatmirësisht ke dalë nga kjo situatë, ndërkohë që ke dikë jashtë.
Efi: Kam lënë një njohje jashtë, tani ai këtu mund të më njohë, dhe nëse do i pëlqejë mirë.
Arbana: Ka një moment prekës në rrëfim, kur thua se nëna jote ka vuajtur shumë për ty! Që si ka mundësi që ai të ndalon lirinë, kur ne të kemi dhënë gjithë lirinë ty!
Efi: Më vjen turp, për të gjitha detajet, e kam bërë , është gabim!
Pas këtij momenti në dhomën e surprizave hyn e ëma e Efit ta surprizojë.