Ish-shefi ushtarak serb, Ratko Mlladiç, është shtruar në spital. Ai po vuan dënimin me burgim të përjetshëm për krime lufte në Hagë.
Ish-gjenerali ishte shtruar në spital për një javë, fillimisht në një spital civil në Hagë dhe që nga e enjtja në objektin e burgut të “International Residual Mechanism for Criminal Tribunals” (MICT) në qytetin holandez. Gjykata në Hagë tha se nuk mund të komentonte mbi gjendjen shëndetësore të të burgosurve, pasi një informacion i tillë është konfidencial.
Ratko Mlladić humbi apelin në qershorin 2021 kundër dënimit me burgim të përjetshëm për gjenocid, krime kundër njerëzimit dhe krime lufte të kryera gjatë konfliktit në Bosnje, i cili ndodhi midis viteve 1992 dhe 1995.
Ai u shpall fajtor për gjenocid për rolin e tij në masakrën e Srebrenicës, në të cilën rreth 8,000 burra dhe adoleshentë myslimanë u vranë në korrik 1995 nga forcat serbe të Bosnjës.