Ndeshja mes Tërbunit dhe Besëlidhjes u luajt vetëm 45 minuta për shkak se stadiumi “Ismail Xhemali” u mbulua nga bora.
Gjatë pjesës së parë, portieri i vendasve Entoni Shkoza nuk u ndje mirë për shkak të temperaturave të ulëta. 22-vjeçari u dërgua menjëherë në spital dhe pas ndihmës është jashtë rrezikut për jetën.
Në pjesën e parë barazuan 1-1. Sakaq, pjesa e dytë e ndeshjes është vendosur që të luhet ditën e mërkurë, ora 13:00 në qytetin e Shkodrës.