I hapte profile false në rrjetet sociale 26-vjeçares, policia arreston të riun në Librazhd

Rrjetet sociale janë kthyer në një shqetësim real, teksa të dhënat e personave të ndryshëm keqpërdoren. Policia e Librazhdit bën me dije se një 31-vjeçar me inicialet B.B, ka keqpërdorur të dhënat e një 26-vjeçareje, duke i hapur më pas kësaj të fundit profile false në rrjete sociale. I riu e ka përndjekur vajzën. Pas denoncimit, policia ka arrestuar 31-vjeçarin, ndërsa po vijon hetimet për zbardhjen e plotë të rastit.