“Vladimir Putin i ka ditët e numëruara. Presidenti rus nuk do të qëndrojë në pushtet me shumë se tre deri në gjashtë muaj”, u shpreh ish-oficeri britanik i inteligjencës, Christopher Steele.
Ai theksoi se sapo sanksionet perëndimore ndaj Rusisë, veçanërisht masat energjetike, të fillojnë të hyjnë plotësisht në fuqi, ditët e Putinit do të fillojnë “të numërohen”.
Christopher Steele, i cili ishte autor i një dosjeje mbi marrëdhëniet midis Donald Trump dhe Kremlinit, vuri në dukje se shëndeti i Putinit po dobësohet.