Olsi Rama, drejtori i përgjithshëm i Partizanit dhe vëllai i kryeministrit ishte i ftuar këtë mëngjes në Wake Up ku u pyet edhe për marrëdhëniet e tij me Edi Ramën.
I pyetur nëse i kërkon ndonjëherë mendim të vëllait për projektet e tij personale, Olsi tha: “Ne kemi një jetë bashkë, kemi shumë të përbashkëta. Unë kam bërë një pakt me veten, për kohën e limituar që ai ka sepse është shumëi zënë, nuk do e shqetësoj”.
Moderatorët e pyetën dhe për atë se çfarë qarkullon në media për të dhe ai tha se është shumë indiferent.
“Jam indiferent ndaj asaj që thuhet në media. Jam i qetë në punën time sepse jam i qetë në atë çcfarë bëj”, tha ai.
Drejtori i Përgjithshëm i Partizanit tha se nuk ka parë në stadium ndeshje me Edin, por kanë luajtur basketboll bashkë. “Vazhdoj të luaj kur kam mundësi dhe më jep adrenalinë”, vijoi ai.