Policia e Tiranës ka arrestuar A. B., 40 vjeç, i shpallur në kërkim, i dënuar më parë me 6 vjet burg për mashtrim me pasoja të rënda.
Ai është kapur pas një operacioni të koduar “Pasoja”, i zhvilluar nga Komisariati i Policisë Nr. 2 në bashkëpunim me Seksionin për Hetimin e Krimeve Ekonomiko-Financiare.
Bellahu akuzohet se gjatë vitit 2024 ka mashtruar një shtetas duke i marrë 21 mijë euro, duke i thënë se do t’i siguronte dokumentet për të udhëtuar në Shtetet e Bashkuara të Amerikës.
Policia po vijon hetimet për të dokumentuar plotësisht ngjarjen dhe për të zbuluar nëse ka persona të tjerë të përfshirë në këtë aktivitet kriminal.
Materialet e arrestimit janë dërguar në Prokurorinë e Tiranës për veprime të mëtejshme ligjore.