Një fëmijë gjerman, nëntë vjeç, i pakënaqur me dhuratat e marra për Krishtlindje, i bëri një telefonata policisë për t’u ankuar, duke i kërkuar forcave të sigurisë që të ndërhynin në shtëpinë e tij, sipas komisariatit lokal.
Ky djalë i vogël, banues në Zetel, në brigjet e Detit të Veriut, formoi numrin e emergjencës së policisë.
Ai sqaroi policët se nuk kishte marrë asnjë nga dhuratat që kishte porositur për Krishtlindje.
‘’Zyrtarët në momentin e mbërritjes në shtëpinë e djaloshit të vogël e gjetën shumë të zemëruar’’, sqaroi një zëdhënës i policisë lokale cituar nga gazeta ”Nordwest Zeitung”.
Duke përfituar nga një ditë shumë e qetë, policët vendosën atëherë të luanin lojën. Shqyrtim i listës fillestare, krahasim me dhuratat e ofruara dhe ndërmjetësim familjar.
Ata ia dolën mbanë të zgjidhnin konfliktin duke i sqaruar fëmijës se Babagjyshi i Krishtlindjes me shumë mundësi e kishte ngatërruar listën e tij me atë të një fëmije tjetër…
Komisariati i Oldenburgut, i kontaktuar nga media, nuk ka dashur të zbulojë përmbajtjen e listës së fëmijës për Babagjyshin.